На 8 Јуни 2010 година во хотел Аполонија со почеток во 19 часот ќе се одржи последниот концерт од програмата  концерти на класична музика “Гевгелиска пролет 2010“.
Овој концерт е насловен Гевгелиски музички таленти, и во него учество ќе земат учениците од ОМУ Васо Карајанов од Гевгелија кои свират флејта во класата на проф. Сузана Стефанова, и со пијано придружба на Соња Јованова. Програмата Гевгелиски Музички моменти 2010 за гевгелиската публика ќе продолжи од Септември со уште 9 концерти на класична музика со склоп на “Гевгелиска музичка есен 2010“.
Во прилог Ви ја праќаме програмата за концертот и биографија од проф. Сузана Стефанова. 

Повеќе: Концерт на класична музика

Известување од студентите на Факултетот за Туризам и Бизнис Логистика-Гевгелија,до општина Гевгелија и сите граѓани. почитувани: ние студентите на истоимениот факултет сме запознаени со одлуката на советот во врска со давањето на Пионерски Дом на користење на факултетот,така да нашите информации во врска со тоа не се невистинити, ни шпекулации, и петицијата која ја покренавме е аргументирана. Имено незнаеме дали вие сте запознаени со одлуката на Универзитетскиот Сенат на 34 тата седница донесена на 13.05.2010год. Одлуката ви ја објавуваме и во истата ќе видете дека од наредната година студентите ќе се запишуваат во Кавадарци на студии, до создавање на просторни услови во Гевгелија. Целта на нашата петиција е да ги натераме одговорните луге во општина Гевгелија и во деканатот на факултетот седнат и кажат која е вистината за факултетот, и да најдат заеднички јазик, компромис околу евидентниот проблем, за во интерес на сите сегашни и идни студенти, и сите родители и граѓани на општина Гевгелија, факултетот остане и продолжи да работи во нашиот град.

Ви благодариме,

На 27 мај 2010 година со почеток во 13:00 часот во просториите на СОУ. “Јосиф Јосифовски” Младинскиот клуб „БУМ“ организира трибина на тема: „Активно учество на младите во процесот на донесување на одлуки и остварување на своите права“.Целта на трибината беше учесниците да бидат запознаени  и информирани со состојбата во училиштето во областа на почитување на правата на средношколците и нивно учество во процесот на донесување на одлуки.

Повеќе: Трибина Активно учество на младите во процесот на донесување на одлуки и остварување на своите права

Во рамки на проектот „Акција за Европа“ на 26 мај во Велес беше одржана втората конференција на тема: „Да зборуваме за животната средина“ на која покрај учесници од цела Македонија присуствуваа десетина претставника од НВОи и локални самоуправи од регионот што го покрива Центарот за поддршка на НВО Гевгелија. Конференцијата ја отвори францускиот амбасадор Н.Е. г. Жан-Клод Шлумберже кој зборуваше за надворешно-политичките приоритети на Франција во однос на ЕУ, проширувањето и приоритетите во политиката за животната средина.

Повеќе: Со европските фондови до поквалитетна животна средина

Центарот за поддршка на НВО Гевгелија на 14 јуни организираше група од дваесетина претставника на НВОи и локални самоуправи од регионот за учество на Конференција на тема: „Алтернативниот туризам – европски искуства и македонски перспективи“. Конференцијата се одржа во Автокампот „Крани“ во близина на село Брајчино и беше поделена во два дела. Во првиот дел дебатата беше фокусирана кон надворешната политика на земјите членки на ЕУ каде што воведничари беа романскиот амбасадор Адријан Стефан Константинеску и Лидија Димова од МЦЕО, а дебата во вториот дел беше фокусирана на алтернативниот туризам.

Повеќе: Македонија има капацитет за развој на алтернативниот туризам

Секоја година, Глобалната акциона недела против оружено насилство е координирана од страна на Меѓународната акциона мрежа за мало оружје. Минатата година, членовите на оваа мрежа во повеќе од 90 држави го истакнаа негативниот тренд на злоупотреба на малото оружје изразен во човечки жртви.

Повеќе: Акциона недела против оружено насилство/ Глобална Акциона недела на ОН против оружено насилство

Во рамките на манифестацијата “Гевгелиска Музичка пролет и есен 2010“ која ја организира Фондацијата Аполонија од Гевгелија на 27.05.2010 (Четврток) со почеток во 20 часот по седми пат во просториите на Хотелот Аполонија ќе се одржи концерт во класична музика. Овој пат на програмата е Хармоникашки концерт со студентите од ФМУ Скопје, од класата на проф. Зорица Каракутовска. Во прилог Ви ја праќаме биографијата на професорката Каракутовска. Ве покануваме да бидете дел од овој културен настан.  

На 12 мај 2010 година со почеток во 12:00 часот во просториите на Центар за поддршка на НВО-Гевгелија, Младинскиот клуб „БУМ“ одржа прес-конференција по повод проектот „Слушнете го НАШИОТ ГЛАС“ поддржан и финансиран од Центар за поддршка на НВО и Младински Образовен Форум.

Повеќе: Прес-конференција - Младинскиот клуб „БУМ“

Во конкуренција од триесетина аматерски претстави од цела Македонија, селекторската комисија ја избра Театарската претстава “ЦАРСКИОТ ПАЖ- Или најдобриот пријател на принцезата“ да настапи на Драмскиот аматерски фестивал, во организација на Центарот за култура од Кочани, кој постои веќе 45 год.
    

Повеќе: Театарската претстава “ЦАРСКИОТ ПАЖ“ на Фестивал во Кочани

Центарот за поддршка на НВО Гевгелија во соработка со Младински образовен форум во деновите 7 и 8 мај организираше дводневна обука на тема: „Пропаганда и медиуми“ за членовите на младинскиот клуб „БУМ“. На обуката беа разработени повеќе елементи на медиумско претставување, нови медиуми, критичко размислување и медиумска пропаганда. Целта на обуката е запознавање на младите средношколци и стекнување повеќе знаења од областа на медиумите и комуникацијата. На обуката беа присутни 16 средношколци од Гевгелија. Обуката ја спроведоа Билјана Бејкова и Павлина Каранфилова од НВО Инфоцентар од Скопје. 

На ден 29.04.2010 година во просториите на Центарот за поддршка на невладини организации од Гевгелија се одржа работилница на тема: „Заштеда на електрична енергија во домаќинствата“. Работилницата ја организираше ЦП НВО Гевгелија во рамки на проектот „Гевгелија – енергетски ефикасна општина“ кој што се спроведува во партнерство со општина Гевгелија. Проектот е финансиски поддржан од Глобалниот еколошки фонд, Програма за мали грантови.

Повеќе: Заштеда на електрична енергија во домаќинствата

Јавната Општинска Установа Дом на култура “Македонија“-Гевгелија, оваа година по втор пат ја организира  Манифестацијата “РАСПЕАНА ЧАРШИЈА-Трба, трби гевгелиско...Гевгелија 2010. Како проект кој финансиски е поддржан од Министерството за култура на Р. Македонија и Општина Гевгелија, се вклучува во прославата на Црковниот празник “Свети Спас“-Заштитник на градот Гевгелија и ќе биде изведена на 12. Мај.2010 год. на отворена сцена во центарот на Гевгелија ( пред “Тедико“).

Повеќе: РАСПЕАНА ЧАРШИЈА - Трба, трби гевгелиско...Гевгелија 2010