Гевгелија

Театарската претстава “ЦАРСКИОТ ПАЖ“ на Фестивал во Кочани

Понеделник, 17 Мај 2010 13:11

Во конкуренција од триесетина аматерски претстави од цела Македонија, селекторската комисија ја избра Театарската претстава “ЦАРСКИОТ ПАЖ- Или најдобриот пријател на принцезата“ да настапи на Драмскиот аматерски фестивал, во организација на Центарот за култура од Кочани, кој постои веќе 45 год.

Повеќе: Театарската претстава “ЦАРСКИОТ ПАЖ“ на Фестивал во Кочани

Пропаганда и медиуми

Понеделник, 10 Мај 2010 15:36

Центарот за поддршка на НВО Гевгелија во соработка со Младински образовен форум во деновите 7 и 8 мај организираше дводневна обука на тема: „Пропаганда и медиуми“ за членовите на младинскиот клуб „БУМ“. На обуката беа разработени повеќе елементи на медиумско претставување, нови медиуми, критичко размислување и медиумска пропаганда. Целта на обуката е запознавање на младите средношколци и стекнување повеќе знаења од областа на медиумите и комуникацијата. На обуката беа присутни 16 средношколци од Гевгелија. Обуката ја спроведоа Билјана Бејкова и Павлина Каранфилова од НВО Инфоцентар од Скопје.

Заштеда на електрична енергија во домаќинствата

Понеделник, 10 Мај 2010 15:34

На ден 29.04.2010 година во просториите на Центарот за поддршка на невладини организации од Гевгелија се одржа работилница на тема: „Заштеда на електрична енергија во домаќинствата“. Работилницата ја организираше ЦП НВО Гевгелија во рамки на проектот „Гевгелија – енергетски ефикасна општина“ кој што се спроведува во партнерство со општина Гевгелија. Проектот е финансиски поддржан од Глобалниот еколошки фонд, Програма за мали грантови.

Повеќе: Заштеда на електрична енергија во домаќинствата

РАСПЕАНА ЧАРШИЈА - Трба, трби гевгелиско...Гевгелија 2010

Понеделник, 10 Мај 2010 15:24

Јавната Општинска Установа Дом на култура “Македонија“-Гевгелија, оваа година по втор пат ја организира Манифестацијата “РАСПЕАНА ЧАРШИЈА-Трба, трби гевгелиско...Гевгелија 2010. Како проект кој финансиски е поддржан од Министерството за култура на Р. Македонија и Општина Гевгелија, се вклучува во прославата на Црковниот празник “Свети Спас“-Заштитник на градот Гевгелија и ќе биде изведена на 12. Мај.2010 год. на отворена сцена во центарот на Гевгелија ( пред “Тедико“).

Повеќе: РАСПЕАНА ЧАРШИЈА - Трба, трби гевгелиско...Гевгелија 2010

Лош спортски викенд

Вторник, 27 Април 2010 22:24

Овој викенд ни една спортска екипа од Гевгелија не успеа да забележи победа. Во саботата се одигра 1/2 финалниот натпревар од купот на Македонија, каде очекувано ЖМеталург ја победија Гевгелија со 31-17 (16-8), најефикасна кај ЖРК Гевгелија беше Чурлинова со 5, а Деловска со 4 постигнати голови. И кошаркарите загубија во саботата од екипата на КК Тетекс со 83-74. Единствено фудбалерите на ФК Кожуф играа нерешено со Дојранско Езеро, иако со играч помалку речиси 80 минути два пати водеа, но и 2-2 е доволен резултат за зачувувањето на 5то место.

ВО ДОМОТ НА КУЛТУРАТА ТЕАТАРСКА ПРЕТСТАВА ЗА ДЕЦА

Вторник, 27 Април 2010 22:22

На 30. Април 2010 ( петок) во ЈОУ Дом на култура “Македонија“ од Гевгелија ќе гостува театарското студио “Крик“ од Скопје со театарската претстава за деца “ПРИНЦЕЗАТА ОД ШУМАТА“ . Оваа бајка во продукција на Театарот “КРИК“ ќе ја видат учениците од И-ИВ одд. од Општинските Основни Училишта “Владо Кантарџиев“ и “Крсте Мисирков“ од Гевгелија во организирани претстави.
Извонредната соработка на училиштата и Домот на културата им овозможува на најмладите театарски гледачи да поминат еден убав и незаборавен театарски ден.
Претставите ќе бидат изведени во салата на Домот на културата ( Кино-Култура) со почеток од 11,оо и 12,оо часот.

Воскреснувам во мојата песна

Недела, 25 Април 2010 23:12

На 23 април во хотел „НАР“ во Гевгелија се одржа втората поетско-музичка вечер „Воскреснувам во мојата песна“, посветена на светскиот ден на книгата и авторското право. Во организација на Библиотеката „Гоце Делчев“ од Гевгелија на манифестацијата учествуваа ученици, професори, лекари и музичари кои ослободени од прангите на дневно-политичките случувања и се вратија на основната двигателка на човековиот ум - книгата.23 Април се прославува 15 години, а Библиотеката од Гевгелија веќе три години овој ден го одбележува на различни начини. Секој учесник во програмата како симбол и одбележје на денот доби книга, беше прочитана и повелбата од УНЕСКО за овој ден и доделена наградата од конкурсот за најдобар есеј што го распиша Библиотеката.

Обука „Промоција на Е-центар за поддршка на граѓански организации“

Недела, 25 Април 2010 23:06

Во просториите на Центарот за поддршка на НВО – Гевгелија на ден 21.04.2010 година се одржа еднодневен семинар на тема „Промоција на Е-центар за поддршка на граѓански организации“. Обуката ја реализира тимот на проектот Техничка поддршка на граѓанските организации – ТАКСО-Македонска канцеларија финансирана од Европска Унија.
На семинарот присуствуваа претставници на 28 НВОи од општините Гевгелија, Валандово и Богданци. Присутните беа запознаени со проектот ТАКСО со услугите што НВОи можат да ги добијат од ТАКСО канцеларијата и со националната програма на ТАКСО проектот за градење капацитет.

Известување за поднесени барања за лични карти

Недела, 25 Април 2010 23:03

Секторот за внатрешни работи Струмица – Одделение за управни работи ги известува граѓаните дека на ден 17.04. 2010 година (сабота) во времето од 08,30 до 16,30 часот управните служби ќе работат на издавање на изготвените лични документи (лични карти , патни исправи и возачки дозволи).

Се известуваат сите граѓани кои имаат поднесено барања за издавање на лични карти и патни исправи до 01.03.2010 година да се јават во наведените служби за подигање на истите.

ХР. НАЧАЛНИК НА СВР
Марјан Наковски

Работилница „Млади во акција“

Четврток, 22 Април 2010 15:28

Центарот за поддршка на НВО – Гевгелија и Младински образовен форум од Скопје во соработка со СОУ „Јосиф Јосифовски“ - Гевгелија со на 14 април 2010 година во просториите на училиштето организираа едукативна работилница на тема „Младите во акција“.

Повеќе: Работилница „Млади во акција“

ДОЈРАНСКА ВЕЧЕР

Четврток, 22 Април 2010 05:27

www.dojran-info.com

Македонците насекаде низ светот се познати како гостопримилив и дружељубив народ.

Граѓаните од Дојран низ децении наназад се покажувале како луѓе со големи срца, скромни но со секогаш топли и отворени домови, одлични домаќини и личности кои секогаш се расположени за пречекување на гостите во своите одаи.

Повеќе: ДОЈРАНСКА ВЕЧЕР

ПРЕТСТАВАТА “ЦАРСКИОТ ПАЖ“ ПРЕД СЕЛЕКТОРСКА КОМИСИЈА

Среда, 14 Април 2010 14:13

По успешната изработка и реализација на Проектот финансиран од Министерството за култура на Р. Македонија, Тетатарската претстава “Царскиот паж“ во изведба на Драмското студио “Огледало“ при ЈОУ Дом на култура “Македонија“ од Гевгелија, ќе биде изведена пред селекторска комисија составена од еминентни режисери, актери и тетатарски работници од Македонија. Истата, во Домот на културата ќе присувствува по добиената покана од Фестивалот за аматерски театри кој се одржува во Кочани.
Претставата за селекторската комисијата ќе биде изведена на 19.Април 2010 со почеток во 12,оо часот.