Центарот за поддршка на НВО Гевгелија на 16 јуни во Кавадарци организираше група од  40 претставници од регионот што го покрива Центарот  за учество на Конференција на тема:
„Вино – Европски искуства и македонски можности“. Конференцијата ја отворија грчкиот амбасадор во Македонија, Александра Пападопулу, и словачкиот в.д. амбасадор Роберт Кирнаг кои зборуваа за приоритетите на нивните држави во надворешната политика и проширувањето на ЕУ.

Повеќе: Вино – Европски искуства и македонски можности

Во рамки на проектот „Акција за Европа“ на 14 јуни во Кочани беше одржана четвртата конференција на тема: „Енергетска ефикасност – европски искуства и македонски перспективи“
На конференцијата зборуваше независниот експерт и долгогодишен претседател на Регулаторната комисија за енергетика, Славе Ивановски, зборувајќи за енергетската политика на Македонија и што е она што треба да се направи, ги нагласи недостатоците на законските одредби кои се однесуваат на енергетиката и енергетската ефикасност. Според него, освен законските, постојат и административни пречки за постигнување енергетска ефикасност во Македонија, односно високиот паричен надоместок потребен за трансформација на земјоделското во индустриско земјиште, како и лошите технички можности односно слабата напонска мрежа која не може да издржи повеќе производители на струја.

Повеќе: Енергетска ефикасност – европски искуства и македонски перспективи

Во рамки на проектот „Акција за Европа“ на 11 јуни во Срумица беше одржана третата конференција на тема: „Земјоделство – европски искуства и македонски перспективи“
Конференцијата ја отворија Словачкиот амбасадор во Македонија, Роберт Кирнаг кој зборуваше за приоритетите на неговата држава во надворешната политика и проширувањето на ЕУ.
Јан Баршвари, експерт од Словачка, ги пренесе искуствата од проектот за поддршка на подготовката на ИПАРД во неговата земја: „Многу е важно што започнавте со искористување на средствата од ИПАРД програмата пред да ги започнете преговорите.

Повеќе: Земјоделство – европски искуства и македонски перспективи

Вечерва во 22:30 - 02:00h во кафе бар „У“ втор дел Unplugged party. Надополнети се учесниците од претходната журка, така да се очекува уште подобра забава. Повелете.

Помина уште една разочарувачка сезона за ФК Кожуф. Иако на почетокот со многу ветувања за успех, сепак на крајот речиси ништо не беше исполнето. Да почнеме од почеток за тоа како се движеа резултатите во ФК Кожуф.

Повеќе: Преглед и анализа на сезоната 09/10 за ФК Кожуф

 ЈОУ Дом на култура“МАКЕДОНИЈА“-  Гевгелија

                                               О  р  г  а  н  и  з  и  р  а

Повеќе: ЛЕТНИ ТРЕПЕРЕЊА

Од 15 септември  годинава, студентите на Факултетот за туризам и логистика во Гевгелија, ќе ја продолжат наставата во Пионерскиот  дом, ова го најави ректорот на Универзитетот  „Гоце Делчев“ од Штип Сашо Митрев по средбата и разговорите со градоначалникот на Гевгелија Иван Франгов. Во меѓувреме, уписот на новите студенти ќе се врши во просториите на Пионерскиот дом. Како што е познато, Советот на општина Гевгелија уште во март годинава донесе одлука за давање под долготраен закуп на првиот кат од овој објект, две канцеларии, гардероба и бифе во приземјето, како и заедничко користење на големата и мала сала. Се со цел, да им се овозможи на факултетот и неговите студенти нормално следење на наставата.

Повеќе: Факултетот за туризам и логистика останува во Гевгелија

Работилница„Формирање структура на младинско независно тело и подготовка на програма за работа и акционен план за работење на младинското тело“
На 01 јуни 2010 година во траење од 10:00 часот до 17:00 часот  во просториите на Центар за поддршка на НВО-Гевгелија  Младинскиот клуб „БУМ“ организира работилница во рамки на проектот  „Слушнете го НАШИОТ ГЛАС“ финансиран од МОФ. Целта на работилницата беше средношколците да формираат структура на младинското тело и да изработат програма за работа и акционен план на дејствување на младинското тело. На работилницата присуствуваа 20 средношколци. Работилницата ја водеше г-дин Марио Вељковиќ.

На 8 Јуни 2010 година во хотел Аполонија со почеток во 19 часот ќе се одржи последниот концерт од програмата  концерти на класична музика “Гевгелиска пролет 2010“.
Овој концерт е насловен Гевгелиски музички таленти, и во него учество ќе земат учениците од ОМУ Васо Карајанов од Гевгелија кои свират флејта во класата на проф. Сузана Стефанова, и со пијано придружба на Соња Јованова. Програмата Гевгелиски Музички моменти 2010 за гевгелиската публика ќе продолжи од Септември со уште 9 концерти на класична музика со склоп на “Гевгелиска музичка есен 2010“.
Во прилог Ви ја праќаме програмата за концертот и биографија од проф. Сузана Стефанова. 

Повеќе: Концерт на класична музика

Известување од студентите на Факултетот за Туризам и Бизнис Логистика-Гевгелија,до општина Гевгелија и сите граѓани. почитувани: ние студентите на истоимениот факултет сме запознаени со одлуката на советот во врска со давањето на Пионерски Дом на користење на факултетот,така да нашите информации во врска со тоа не се невистинити, ни шпекулации, и петицијата која ја покренавме е аргументирана. Имено незнаеме дали вие сте запознаени со одлуката на Универзитетскиот Сенат на 34 тата седница донесена на 13.05.2010год. Одлуката ви ја објавуваме и во истата ќе видете дека од наредната година студентите ќе се запишуваат во Кавадарци на студии, до создавање на просторни услови во Гевгелија. Целта на нашата петиција е да ги натераме одговорните луге во општина Гевгелија и во деканатот на факултетот седнат и кажат која е вистината за факултетот, и да најдат заеднички јазик, компромис околу евидентниот проблем, за во интерес на сите сегашни и идни студенти, и сите родители и граѓани на општина Гевгелија, факултетот остане и продолжи да работи во нашиот град.

Ви благодариме,

На 27 мај 2010 година со почеток во 13:00 часот во просториите на СОУ. “Јосиф Јосифовски” Младинскиот клуб „БУМ“ организира трибина на тема: „Активно учество на младите во процесот на донесување на одлуки и остварување на своите права“.Целта на трибината беше учесниците да бидат запознаени  и информирани со состојбата во училиштето во областа на почитување на правата на средношколците и нивно учество во процесот на донесување на одлуки.

Повеќе: Трибина Активно учество на младите во процесот на донесување на одлуки и остварување на своите права

Во рамки на проектот „Акција за Европа“ на 26 мај во Велес беше одржана втората конференција на тема: „Да зборуваме за животната средина“ на која покрај учесници од цела Македонија присуствуваа десетина претставника од НВОи и локални самоуправи од регионот што го покрива Центарот за поддршка на НВО Гевгелија. Конференцијата ја отвори францускиот амбасадор Н.Е. г. Жан-Клод Шлумберже кој зборуваше за надворешно-политичките приоритети на Франција во однос на ЕУ, проширувањето и приоритетите во политиката за животната средина.

Повеќе: Со европските фондови до поквалитетна животна средина