Одземени предмети кои потекнуваат од археолошкиот локалитет „Вардарски рид„ и „Сува Река„ Гевгелија

Секторот за внатрешни работи Струмица – Надворешна канцеларија за криминалистички работи-Гевгелија по претходни оперативни сознанија и обезбедена   наредба од Основниот суд во Велес на 03.12.2009 година, изврши претрес во куќата и помошните простории на   лицето И.Д (51) од Гевгелија .
При извршениот претрес пронајдени се: 42 бронзенуи монети од кои 39 монети од античко-македонски период и 3 монети од рано-римски период, 1 бронзен торквес, 1 бронзена белегзија, 1 керамички ехимус, 1 керамичка чаша, 1 керамичка светилка, 1 статуета на Хиеродула, 4 керамички глави на женски фигури, 1 керамичка глава апликација, 5 керамички пршлени, 1 базен прстен од ихтија и 23 керамички тегови.
По првично известување од музејот во Гевгелија предметите потекнуваат од археолошкиот локалитет „Вардарски рид„ и месноста „Сува Река„ Гевгелија.
Од страна на полициски службеници при НК-КР Гевгелија пронајдените предмети со Потврда за привремено одземени предмети се одземени од И.Д против кого по целосно докоментирање на настанот ќе биде поднесена кривична пријава.
   Инаку И.Д и претходно кривично е пријавуван за кривични дела кражби и тешки кражби а воедно и прекршочно е казнуван за нарушувања на ЈРМ.


                                                                                 СВР-Струмица
                                                                Канцеларија за односи со јавноста