Сите земјоделци од општина Гевгелија, кои претрпеа штети од мартовскиот снег минатата година,се обештетени од страна на Владата на РМ.По невремето Општинската комисија за проценка на штети од елементарнни непогоди утврди дека 142 земјоделци претрпеле штети на земјоделските посеви во износ од 39 милиони денари. Владата на РМ во првата транша на обештетувањето додели 15 насто од предвидената штета,а средствата,како што изјави градоначалникот на општина Гевгелија Иван Франгов,вториот ден од Божик легнаа на општинската сметка.По пристиггањето на средствата се состана Општинската комисија,а на престојната седница на Советот на општина Гевгелија,која ќе се одржи на 13 јануари,ќе биде донесена одлука за распределба на средствата за обештетување.
Веднаш потоа ќе започне и распределбата на средствата за што сите оштетени земјоделци треба да достават трансакциони сметки до општината.Од страна на владата на РМ е најавена и втора транша на обештетување во текот на месец февруари.
| < Пред | Следно > |
|---|
Ве молам регистрирајте се или логирајте се, за да го додадете вашиот коментар кон оваа статија.
