Православните верници од општина Гевгелија вчера го прославија големиот христијански празник Богојавление-Водици.Овој празник е поврзан со крштевањето на Исус Христос од страна на свети Јован,кој оттогаш се нарекува Крстител,а фаќањето на крстот значи соединување на човекот со Христа.Овој празник се нарекува уште и Водици,заради големиот водосвет што го извршува Црквата на овој ден. Големиот водосвет е симбол на обновување на нашата огревовена природа и на целиот космос преку вода и дух.Ваков водосвет беше извршен вчера пред многуилјадните верници од општината,од страна на свештениците од гевгелиската епархија.Како и секоја година и оваа,по осветувањето на водите на Вардар-македонскиот Јордан,во студените води на реката беше фрлен осветениот крст.По него скокнаа дваесеттина млади верници,но само Атанас Пижов имаше среќа да го фати крстот,за кој се верува дека на оној кој ќе го извади од водите,ќе му донесе среќа,здравје и радост.Атанас Пижов е од Миравци,вработен во Валандово а оваа година за прв пат скока во водите на реката Вардар во Гевгелија.На најсреќниот, благослов за среќа,радост и успех му упатија свештениците од гевгелиската епархија,инаку организатори на настанот,додека градоначалникот на општина Гевгелија,Иван Франгов,традиционално му врачи телевизор и притоа нему и на сите граѓани на општина Гевгелија им посака многу среќа,здравје и успех во новата 2010 година.

< Пред		Следно >

www.gvg.com.mk