Центар за поддршка на НВО-Гевгелија во во партнерство со Фондација за развој на локалната заедница – Штип  и  „Центар за одржлив развој - Порта“ - Струмица, го спроведува проектот „Стоп за дискриминацијата“. Проектот е финансиран од Европската комисија во рамки на програмата: Зајакнување на улогата на граѓанското општество во промоција на човековите права и демократските реформи на Европската иницијатива за демократија и човекови права (ЕИДХР) и од ФИООМ.
Целта на проектот е  да се зајакне улогата на граѓанското општество во промоцијата на човековите права, развојот на демократијата и законските права преку промоција на Законот за заштита од дискриминација.
Целна група на проектот се : претставници на НВОи, единиците на Локалните самоуправи, јавни институции, и заинтересирани граѓани.
Активностите во проектот ќе се спроведуваат во три компоненти: 1) Градење капацитетите, 2) Подигање на јавната свест, 3) Мониторинг.
За учество на претставници на НВОи, единиците на Локалните самоуправи, јавни институции, и заинтересирани граѓани ќе биде подготвен и дистрибуиран повик за учество и апликација за пријавување.
Проектот ги опфаќа општините: Штип, Струмица, Гевгелија, Радовиш, Конче, Ново Село, Василево, Босилово, Валандово, Богданци, Дојран, Кочани, Карбинци, Чешиново - Облешево и Зрновци.

< Пред		Следно >

www.gvg.com.mk